Dægurlagadrottningin Adele kom ungum elskendum heldur betur í opna skjöldu þegar hún kallaði þá upp á svið á miðjum tónleikum.
Söngkonan var að flytja lag sitt „Make You Feel My Love“ þegar hún kom auga á mann sem hafði skellt sér á skeljarnar í miðjum áhorfendaskaranum. Adele var svo frá sér numin að hún bauð skötuhjúunum upp á svið þar sem hún faðmaði þau að sér og óskaði þeim til hamingju.
„Ég trúi þessu ekki, þetta er algerlega klikkað“ sagði tilvonandi brúðurin í samtali við Daily Mail.
Myndbandið af atburðinum má sjá hér að neðan.