Elísabet Englandsdrottning fagnar níræðisafmæli sínu á morgun og í tilefni þess voru teknar nokkrar myndir af drottningunni. Engin önnur en goðsögnin Annie Leibovitz var fengin í verkefnið og hefur breska konungsfjölskyldan nú birt þrjár myndir.

Á myndinni sem hefur vakið mesta athygli má sjá drottninguna umkringda fimm langömmubörnum sínum og tveimur af hennar yngstu barnabörnunum. Myndin var tekin í Windsor kastala og eftir hefðinni heldur drottningin á yngsta meðlimi konungsfjölskyldunnar en það er hin 11 mánaða gamla Karlotta prinsessa.

Karlotta, sem er dóttir hertogans og hertogaynjunnar af Cambridge, er í blómakjól og virðist vera sátt í fanginu á langömmu sinni, haldandi á litlum hesti.

Við hlið hennar stendur bróðir hennar, Georg prins, sem verður þriggja ára í sumar og Mia Tindall, barnabarn Önnu prinsessu. Hún fékk að halda á handtösku langömmu sinnar á myndinni.

Á annarri mynd úr smiðju Leibovitz má sjá drottninguna í bakgarði Windsor kastala með hundunum sínum fjórum, þeim Willow , Vulcan, Candy og Holly  Þriðja myndin sýnir Elísabetu ásamt dóttur sinni Önnu prinsessu.

Elísabet með hundunum. Ljósmynd/Annie Leibovitz

Elísabet drottning og Anna prinsessa Ljósmynd/Annie Leibovitz

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt