Estelle, dóttir Viktoríu krónprinsessu, stal svo sannarlega senunni við hátíðarhöld í tilefni af afmæli afa síns Karls Gústafs Svíakonung, í beinni útsendingu á SVT.
Þúsundir manna komu saman við konungshöllina í Stokkhólmi til að hylla konunginn auk þess sem þjóðarleitogar og annað fyrirfólk víða að tekur nú þátt í hátíðarhöldunum.
Á meðan skarinn fyrir neðan veifaði fánum og söng skottaðist Estelle, um hallarsvalirnar eins og skopparakringla og virtist njóta hátíðarhaldanna mikið.
Estelle, sem er fjögurra ára gömul er næst í erfðaröðinni á eftir móður sinni. Hún stoppaði í stutta stund á svölunum til þess að leyfa guðmóður sinni, Mary krónprinsessu Danmerkur, að taka með sér mynd en gleðin náði hámarki þegar frændi hennar, Karl Filipus prins, lyfti henni upp til að veifa mannfjöldanum og var fagnað gríðarlega.
Á meðan öllu þessu stóð svaf Óskar litli bróðir hennar vært. Hann er aðeins tveggja mánaða gamall og var þetta fyrsti opinberi viðburður hans.