Baunað á Ragnar og Aron í beinni

Það eru fleiri en bara forsetaframbjóðendur sem mæta í beina útsendingu hjá Nova sem í dag mun bjóða fylgjendum sínum á Facebook að ræða við tvær af helstu hetjum íslensks samtíma.

Landsliðs-knattspyrnumennirnir Ragnar Sigurðsson og Aron Einar Gunnarsson munu sitja fyrir svörum í beinni og geta áhorfendur sett spurningar í athugasemdakerfið við myndskeiðið. Sölvi Tryggvason mun síðan sitja með strákunum og stýra spjallinu.

Sölvi gerði heimildarmyndina Jökullinn logar ásamt leikstjóranum Sævari Guðmundssyni en sú fjallar einmitt um landsliðið og verður frumsýnd 2. júní. Sölvi og Sævar fylgdu strákunum eftir og fengu óheftan aðgang og einstaka innsýn bak við tjöldin hjá landsliðinu, að því er fram kemur í fréttatilkynningu frá Nova.

• Blogga um frétt