Tónlistarmaðurinn góðkunni Jón Jónsson hefur sent vini sínum til margra ára, Hannesi Þór Halldórssyni landsliðsmarkverði, hjartnæma stuðningskveðju á Facebook fyrir leik Íslands og Englands í 16 liða úrslitum EM í knattspyrnu sem fram fer í kvöld.

Jón fékk góðan hóp manna til þess að búa til myndband Hannesi til heiðurs, en undir er spilað lag Jóns, Gefðu allt sem þú átt, í nýjum búningi. Er það Salka Sól Eyfeld sem syngur.

Jón segist, eins og öll þjóðin, vera að rifna úr stolti yfir gengi landsliðsins.

„Ég er svo heppinn að þekkja nokkra í liðinu og veit hversu mikið þeir hafa lagt á sig til að uppskera slíkan árangur. Einn af mínum góðu vinum er Hannes Þór Halldórsson sem vægast sagt hefur slegið í gegn í Frakklandi. Hannesi kynntist ég fyrir rúmum 14 árum í Verzlunarskólanum og hef frá þeim tíma fylgst með öllum litlu skrefunum sem hann hefur tekið í átt að þeim stað sem hann er á í dag.

Ferill þessa drengs er magnaður því þrátt fyrir að vera kosinn besti markvörður Shell-mótsins árið 1994 var leið hans á toppinn ansi hlykkjótt og hefur Hannes þurft að sigrast á mörgum hindrunum á sinni vegferð,“ skrifar Jón.

Þess má geta að Hannes leikstýrði í vetur auglýsingu fyrir N1, en þar fyrst heyrðist lag Jóns í nýjum búningi og þá sem hljómfögur ballaða.

Hér að neðan er N1-auglýsingin sem Hannes leikstýrði:

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir

• Blogga um frétt