Strax næsta sumar gætu íbúar Parísar og ferðamenn sem koma til borgarinnar rómuðu fengið að njóta þess að ganga um naktir á sérstöku svæði innan borgarmarkanna. Samþykktu borgaryfirvöld seint í kvöld tillögu um að leyfa uppbyggingu á nektarnýlendu í öðru skógvaxna svæði borgarinnar.
Haft er eftir meðlimi í borgarráði Parísar að nektarunnendum fari fjölgandi og að í Frakklandi stundi tvær milljónir íbúa slíka staði.
Nú þegar hafa nokkrar evrópskar borgir tekið nektarunnendum fagnandi og leyft uppbyggingu nektarnýlenda. Þar á meðal eru Barselóna, Berlín og München.
Í dag eru yfir 100 nektarstrendur og fjöldi tjaldstæða fyrir nektarunnendur víða um Frakkland.
Nákvæm staðsetning hefur ekki enn verið valin, en eins og fyrr segir verður nýlendan í öðru af stærri skógarsvæðum Parísar.