Tónskáldið Jóhann Jóhannsson mun semja tónlist fyrir næstu kvikmynd Darrens Aronofsky. Í aðalhlutverkum verða Hollywood-stjörnurnar Jennifer Lawrence og Javier Bardem.
Þetta kom fram í kvöldfréttum Rúv. Jóhann hefur tvívegis verið tilnefndur til Óskarsverðlauna fyrir kvikmyndatónlist sína, eða við myndirnar The Therory of Everything og Sicario.
Þetta verður í fyrsta sinn sem Jóhann og Aronofsky starfa saman en sá síðarnefndi fékk heiðursverðlaun RIFF á Bessastöðum fyrr í kvöld.
Frétt mbl.is: Aronofsky heiðraður á Bessastöðum
Á meðal þekktustu mynda Aronofsky eru Black Swan, The Wrestler og Noah, sem var tekin upp að hluta hér á landi.