Khloé Kardashian, yngri systir Kim Kardashian, hefur verið harðlega gagnrýnd fyrir að flagga forláta skartgripum á samfélagsmiðlum.
Eins og alþjóð líklega veit var Kim Kardashian rænd í París fyrr í mánuðinum, og vildu margir meina að samfélagsmiðlanotkun hennar hefði gert ræningjunum auðveldara fyrir, en hún fór ekki í felur með að eiga safn gríðarlega verðmætra skartgripa.
Frétt mbl.is: Hver var hlutur samfélagsmiðla í ráninu?
Khloé Kardashian hefur ekki haldið sig fjarri samfélagsmiðlum líkt og systir hennar, en hún deildi mynd af þremur forláta demantshringum á Instagram-síðu sinni. Á myndinni sést einnig hönd kærasta hennar, körfuboltakappans Tristan Thompson, sem sjálfur bar stærðarinnar hring.
Margir fylgjendur stjörnunnar hafa látið móðan mása í athugasemdum við færsluna og skammað hana fyrir að gera sömu mistök og systir hennar.
Frétt mbl.is: Skammaði Kardashian fyrir að flagga auðnum