Nýjasta lag Kryddpíanna þykir hörmung

Aðdáendur Spice Girls, eða Kryddpíanna eins og þær kallast á íslensku, hafa beðið í ofvæni eftir að nýja lag hljómsveitarinnar kæmi út. Lagið átti alls ekki að koma út þegar það skyndilega var búið að leka því á netið. 

Í þessu nýja lagi eru Victoria Beckham og Mel C ekki innanborðs heldur halda þær Geri, Emma og Mel B uppi stuðinu – ef stuð skyldi kalla því aðdáendur hljómsveitarinnar eru alls ekki hrifnir. 

Nýja lag Kryddpíanna, Song for Her, þykir ansi slappt og hafa aðdáendur aldeilis látið í sér heyra á Twitter og á fleiri samfélagsmiðlum. 

Frétt af mbl.is: Endurkoma Spice Girls að hluta

Kryddpíurnar á meðan þær voru á hátindi feril síns. Skjáskot / Spice Girls

• Blogga um frétt