Snjóbrettakappinn Eiríkur Helgason hefur sent frá sér verkefnið „Ísland Born“. Það kemur út í þremur hlutum; myndum og viðtölum, besta sem hann hefur gert á brettinu og heimildarmynd.
Heimildarmyndin kemur út 12. desember næstkomandi. Hún fjallar um það hvernig hinn 29 ára gamli sveitastrákur að norðan náði að verða frægur fyrir afrek sín á snjóbrettinu en Eiríkur segir sjálfur að undirtónn myndarinnar sé á gamansömum nótum.
„Hann vissi einhvern veginn strax að snjóbretti var það sem hann vildi gera í lífinu,“ segir pabbi Eiríks í upphafi myndskeiðsins og bætir við að fáir hafi haft trú á því að hann gæti haft það fyrir atvinnu, enginn hafði gert það áður á Íslandi.
„En hann vissi alltaf hvað hann vildi og sýndi öllum að það er hægt að gera hvað sem er ef maður hefur trú á sjálfum sér,“ bætti pabbi hans við.
Stórskemmtilegt myndskeið sem segir frá Eiríki má sjá hér að neðan:
ÍSLAND BORN // FULL PART from ZOO on Vimeo.