Leikstjórinn Jonathan Demme látinn

Leikstjórinn Jonathan Demme, sem vann Óskarsverðlaunin fyrir spennumyndina The Silence of the Lambs, er látinn.

Hann lést í New York, 73 ára gamall.

Anthony Hopkins og Jodie Foster fóru með aðalhlutverkin í The Silence of the Lambs, sem kom út 1991. Þau unnu einnig Óskarinn fyrir hlutverk sín.  

Á meðal annarra mynda Demme er Philadelphia sem kom út 1993 með Tom Hanks í aðalhlutverki. Hanks vann Óskarinn fyrir hlutverkið.

Demme lést í íbúð sinni á Manhattan í New York umkringdur fjölskyldu sinni, að því er kom fram í yfirlýsingu frá upplýsingafulltrúa leikstjórans.

Hann hafði glímt við krabbamein í vélinda.

Demme og Jodie Foster á síðasta ári. AFP

• Blogga um frétt