Búlgaría, Hvíta-Rússland, Króatía, Ungverjaland, Danmörk, Ísrael, Rúmenía, Noregur, Holland og Austurríki komust áfram úr seinni undankeppni Eurovision sem var að klárast rétt í þessu. Átta lönd sátu eftir.
Það þýðir að nú liggur fyrir hvaða 26 lönd taka þátt í úrslitunum sem fram fara á laugardagskvöld. Eins og staðan er núna er Ítölum, Portúgölum og Búlgörum spáð efstu þremur sætunum.
Svala Björgvinsdóttir, fulltrúi Íslands, komst ekki upp úr fyrri undankeppninni sem fram fór á þriðjudaginn.
Þrjú framlög Norðurlandanna komust áfram, þ.e. Svíþjóð, Noregur og Danmörk. Íslendingar og Finnar sitja eftir.