Leikarinn Powers Boothe, sem var þekktur fyrir hlutverk sín í Sin City, Deadwood og S.H.I.E.L.D, er látinn, 68 ára gamall.
Að sögn upplýsingafulltrúa Boothe lést hann af náttúrulegum orsökum á heimili sínu í Los Angeles í gær.
Boothe lék Gideon Malick í sjónvarpsþáttunum S.H.I.E.L.D. og síðar í kvikmyndinni The Avengers. Hann lék einnig í þáttunum Nashville og 24.
Hann vann Emmy-verðlaunin árið 1980 fyrir hlutverk sitt í Guyana Tragedy: The Story of Jim Jones, að því er BBC greindi frá.
Leikarinn Beau Bridges minntist vinar síns Boothe á Twitter og sagði hann „frábæran leikara og dyggan föður og eiginmann“.
It's with great sadness that I mourn the passing of my friend Powers Boothe. A dear friend, great actor, devoted father & husband.
— Beau Bridges (@MrBeauBridges) May 14, 2017
Boothe var þekktur fyrir að leika illmenni í hinum ýmsu kvikmyndum, þar á meðal í Tombstone og Sudden Death.
Hann lék bareigandann Cy Tolliver í sjónvarpsþáttunum Deadwood sem gerðust í villta vestrinu.