Biðst ekki afsökunar vegna súludans

Jennifer Lawrence segist ekki ætla að biðjast afsökunar fyrir að hafa slett úr klaufunum á strippstað í Vín í síðasta mánuði en myndband af leikkonunni birtist á samfélagsmiðlum þar sem hún sást dansa súludans. 

Samkvæmt Mirror var Lawrence stödd í Austurríki við tökur á nýrri mynd þegar hún fór út að skemmta sér í tilefni af afmæli besta vinar síns. „Ég ætla ekki að biðjast afsökunar, ég skemmti mér ógeðslega vel þetta kvöld,“ sagði leikkonan. 

„Sjáðu til, enginn vill vera minntur á það á netinu að hafa reynt að dansa við súlu,“ sagði Lawrence og bætti því við að hún hafi ekki verið á brjóstahaldaranum heldur Alexander Wang-topp. „Ég ætla ekki að ljúga, ég held að dansinn minn sé frekar góður. Þrátt fyrir engan styrk í miðjunni,“ bætti hún við að lokum. 

• Blogga um frétt