Ben Stiller skilur við eiginkonuna

Bandaríski kvikmyndaleikarinn Ben Stiller og eiginkona hans, leikkonan Christine Taylor, hafa ákveðið að skilja eftir 17 ára hjónaband.

Fram kemur í sameiginlegri yfirlýsingu þeirra sem send var út í gær að skilnaðurinn fari fram í góðu og að forgangsmál þeirra verði að halda áfram að ala upp börn þeirra tvö sem góðir foreldrar og nánir vinir.

Þar eru fjölmiðlar enn fremur beðnir um að sýna tillitsemi gagnvart einkalífi þeirra og barnanna.

Fréttavefur breska dagblaðsins Daily Telegraph greinir frá þessu í dag.

• Blogga um frétt