Breska hljómsveitin The Prodigy steig síðust á stokk á Valhallar-sviðinu á tónlistarhátíðinni Secret Solstice í kvöld.

Hellirigning var í upphafi tónleikanna en tónleikagestir létu það ekki á sig fá. 

Hljómsveitin hóf tónleikana af krafti og á meðal laga sem fengu að hljóma voru Firestarter og Smack My Bitch Up af plötunni vinsælu Fat of the Land sem kom út fyrir tuttugu árum síðan.

Hljómsveitin hef­ur þar með komið fimm sinnum fram hér á landi, en síðustu tónleikar hennar hér voru haustið 2004. Sveitin á því dyggan aðdáendahóp á Íslandi.

Önnur bresk sveit, Foreign Beggars, hitaði upp fyrir The Prodigy í kvöld, auk þess sem rappararnir í XXX Rottweiler tróðu upp á Valhallar-sviðinu. 

Á Gimlis-sviðinu spilaði jafnframt íslenska hljómsveitin Cyber.