Fatahönnuðurinn og Bítladóttirin Stella McCartney viðurkenndi í útvarpsviðtali að hún sæi eftir að hafa notað ofurfyrirsæturnar Kate Moss og Naomi Campbell í útskriftarsýningu sinni.
Þrátt fyrir að fyrirsæturnar væru og séu enn góðar vinkonur McCartney sér hún eftir því að hafa fengið þær til liðs við sig þegar hún útskrifaðist úr Central St. Martin's árið 1995. „Ég lít til baka á þennan tímapunkt og skammast mín bara pínulítið fyrir að hafa verið svona barnaleg,“ sagði McCartney í viðtalinu samkvæmt Daily Mail.
Þetta vakti athygli á sínum tíma og voru margir sem vildu meina að ofurfyrirsæturnar hafi skyggt á hina nemendurna.