Ofurhetjumyndin Wonder Woman verður ekki sýnd í Katar. Með því að banna myndina feta Katarar í fótspor yfirvalda í Líbanon og Túnis sem hafa bannað myndina því a kemur frá Ísrael.
Þangað til í gær voru kvikmyndahús í Katar að auglýsa myndina en síðan hvarf hún af heimasíðum þeirra Tvö kvikmyndahús í Katar hafa síðan staðfest að myndin verði ekki sýnd þar því hún er komin í bann.
Stuðningur leikkonurnar Gal Gadot, sem fer með aðalhlutverkið í myndinni, við ísraelska herinn hefur farið fyrir brjóstið á andstæðingum Ísraels en Gadot var eitt sinn í hernum.
Bönnin virðast ekki hafa neikvæð áhrif á tekjur myndarinnar. Wonder Woman hefur þénað meira en 663 milljónir Bandaríkjadala síðan hún var frumsýnd og hefur hún fengið góða dóma.