Annar höfundur teiknimyndaþáttanna South Park segir að þátturinn ætli að hafa færri brandara um Donald Trump Bandaríkjaforseta í komandi þáttum en hafa verið hingað til.
Trey Parker sagði að þátturinn hefði falið í þá gryfju að hæðast að forsetanum í hverri viku.
„Við erum orðnir þáttur þar sem fólk kveikir og sér hvernig grín er gert að Trump í þetta skiptið. Ég og Matt [Stone, hinn handritshöfundurinn] þolum þetta ekki en við festumst í þessu,“ sagði Parker.
Parker bætti við að hann og Stone vildu að þátturinn sneri aftur að upprunanum en hann hefur verið í sýningu í 20 ár.
„Við gætum eflaust sett upp stór skilti og sagt „sjáið hvað við ætlum að gera við Trump í næstu viku!“ og við myndum fá svakalegt áhorft. Mér er bara alveg sama um það,“ sagði Parker.
Donald Trump Jr. sonur Bandaríkjaforseta brást við viðtalinu við Parker á Instagram-síðu sinni. „Hahahahaha, South Park mun hætta með Trump brandarana til að forðast að verða eins og CNN. Ótrúlegt.“