90 manns á spítala eftir tónleikana

Rúmlega 90 tónleikagestir voru lagðir inn á spítala eftir tónleika bandaríska rapparans Chance the Rapper í Conneticut-ríki en þessu greinir The New York Times frá.

Á tónleikana mættu um 21.000 aðdáendur rapparans en flestir sem fóru upp á spítala voru ofurölvi.

Samkvæmt lögreglustjóranum Brian Foley fundust margir meðvitundarlausir um tónleikahöllina og 50 unglingar voru handteknir fyrir að drekka áfengi undir aldri.

Hann bætti við að á venjulegum tónleikum færu um 20 manns á spítala og að þessir tónleikar hafi verið sérstaklega slæmir. Bætt var við 70 lögreglumönnum og læknum á staðinn til þess að tryggja öryggi tónleikagesta. 

• Blogga um frétt