Fyrirsætan og raunveruleikastjarnan Kendall Jenner er sögð vera að slá sér upp með körfuboltakappanum Blake Griffin.
Jenner og Griffin hafa sést úti með vinum meðal annars á stefnumóti með fyrirsætunni Hailey Baldwin og kærasta hennar. Heimildarmaður Page Six segir síðan að skötuhjúin hafa eytt öllum sunnudeginum saman.
Griffin er 28 ára og leikur körfubolta með NBA-liðinu Los Angeles Clippers. Eldri systur Jenner hafa einnig átt í samböndum við körfuboltamenn. Kim Kardashian var gift Kris Humphries körfuboltamanni. Khloé Kardashian var gift körfuboltamanninum Lamar Odom en er nú í sambandi með körfuboltamanninum Tristan Thompson.
Jenner átti lengi vel í sambandi við rapparann A$AP Rocky en ástarblossinn á milli þeirra er sagður hafa kólnað í sumar þar sem þau eru bæði mjög upptekin og hafa lítið getað eytt tíma saman.