Bandaríska leikkonan Julia Louis-Dreyfus er með brjóstakrabbamein. Leikkonan, sem er þekktust fyrir leik sinn í gamanþáttunum Seinfeld, greindi frá veikindum sínum á Twitter í dag.
Just when you thought... pic.twitter.com/SbtYChwiEj
— Julia Louis-Dreyfus (@OfficialJLD) September 28, 2017
Hún bendir á þá staðreynd að ein af hverjum átta konum fái einhvern tímann brjóstakrabbamein. „Í dag er ég þessi eina,“ skrifar Louis-Dreyfus.
„Góðu fréttirnar eru þær að ég er með frábært stuðningsnet fjölskyldu og vina og góða tryggingu í gegnum stéttarfélagið mitt,“ skrifar Louis-Dreyfus en bætir við að ekki séu allar konur jafn heppnar og hún.
„Við skulum berjast gegn krabbameini og sjá til þess að heilbrigðisþjónusta verði aðgengileg fyrir alla.“