Rithöfundurinn J.K. Rowling trónir á toppi Forbes yfir launahæstu stjörnur í Evrópu. Rithöfundurinn verður þó að vara sig ef hún ætlar að halda sætinu þar sem knattspyrnukappinn Cristiano Ronaldo kemur fast á hæla hennar.
Samkvæmt Forbes vann Harry Potter-höfundurinn sér inn 95 milljónir dollara eða rúmlega 10 milljarða íslenskra kóna á tólf mánaða tímabili. Ronaldo sem leikur með Real Madrid þénaði hinsvegar 93 milljónir dollara.
Aðeins tvær konur komust á topp 20 listann en auk Rowling var söngkonan Adele í fjórða sæti. Hún þénaði 69 milljón dollara eða 7,3 milljarða íslenskra króna.