Við sjáum leikkonuna Nicole Kidman líta alla jafna óaðfinnanlega út. Hún eins og aðrir er þó ekki alltaf í glansgallanum og má jafnvel ímynda sér að hún líti svona út á slæmum degi eins og myndin að ofan sýnir.
Leikkonan var þó ekki í þessum gamla leðurjakka og gömlu gallabuxum með úfið hárið á leið út í búð í Los Angeles heldur var hún við tökur á kvikmyndinni Destroyer sem frumsýnd verður á næsta ári.
Kidman var í vikunni tilnefnd til Golden Globe-verðlaunanna fyrir hlutverk Celeste Wright í sjónvarpsþáttunum Big Little Lies. Ef sú persóna er borin saman við nýjustu persónu Kidman má sjá hversu miklum göldrum förðunarfræðingar geta búið yfir.