Björk Guðmundsdóttir söngkona var tilnefnd til Grammy-verðlauna í ár. Var hún tilnefnd fyrir plötuna Fossora sem kom út á síðasta ári. Þetta var í sextánda sinn sem Björk er tilnefnd og í sextánda sinn sem hún hlýtur þau ekki. Aðdáendur Bjarkar eru síður en svo ánægðir og velta fyrir sér af hverju hún sé alltaf tilnefnd en fái aldrei verðlaunin.

Aðdáendur hennar létu í sér heyra á samfélagsmiðlum á sunnudagskvöld þegar verðlaunin voru afhent í Los Angeles í Bandaríkjunum.

Aðeins þrír hafa oftar verið tilnefndir og ekki fengið verðlaunin. Það eru hljómsveitarstjórinn Zubin Mehta með 18 tilnefningar, Snoop Dogg með 17 tilnefningar og Chris Gehringer með 17 líka.

Björk var fyrst tilnefnd til Grammy-verðlauna árið 1994 fyrir tónlistarmyndbandið við lagið Human Behaviour. Plötur síðustu ára hafa svo alltaf ratað á tilnefningalistann fyrir Grammy-verðlaunin en Björk aldrei fengið þau.

Tengdar fréttir

Verðlaunahátíðir 2023

Fékk fyrstu þrjár Emmy-tilnefningarnar á einu bretti

• Ber ekki saman um íslenskan sigur
• Kjóllinn eins og franskar kartöflur?
• Grínaðist með að vera kúltúrbarn
• Eins og rósaterta á dreglinum

» Fleiri tengdar fréttir

• 2 blogg um fréttina

Bloggað um fréttina

• Ómar Ragnarsson: Hitchcock fékk aldrei Óskarinn.
• Ingólfur Sigurðsson: Spilling í verðlaunaveitingum og víðar. Vonandi fær Björk Grammy verðlaun …