Áberandi stuðningur við ísraelska lagið
Setja bókamerki
/frimg/1/53/24/1532482.jpg)
Sigurlíkur framlags Ísraels í Ísraels í söngvakeppni evrópskra sjónvarpsstöðva, Eurovision, eru sagðar hafa aukist nokkuð eftir gærkvöldið. Ítalska sjónvarpsstöðin RAI birti fyrir slysni niðurstöður símakosningu ítalsks almennings á meðan enn var bein útsending frá keppninni í Malmö.
Birting niðurstaðna símakosningar úr undankeppni er óheimil þar til aðalkeppni er lokið, en hún fer fram á morgun.
Ítalskur almenningur virðist hafa verið mjög ánægður með framlag Ísraels í Eurovision. Heil 39,31% greiddra atkvæða voru til stuðnings lagsins Hurricane flutt af Eden Golan.
Rauk upp í veðbönkum
Í kjölfar birtingarinnar hefur Ísrael rokið upp í veðbönkum sem setja Hurricane nú sem næst líklegasta framlag til að sigra keppnina.
Athygli vekur að framlag Sviss, sem hefur þótt sigurstranglegt, hafi aðeins hlotið 6,03% atkvæða ítalskra áhorfenda.
Uppfært 09:09: Upphaflega var vakin athygli á að sigurstranglegasta lagið samkvæmt veðbönkum, framlag Króatíu, hafi ekki hlotið atkvæði Ítala. Glöggir lesendur vita að Króatía keppti á þriðjudag og því gátu Ítalir ekki greitt laginu atkvæði í gær. Fréttin hefur verið uppfærð með tilliti til þess.
Nágrannaþjóðir upplýstar en við vöðum í blindni
Stóðu skógarþjófa að verki
Bein útsending: Ríkisstjórnarsamstarfið kynnt
Helgi Magnús mætir til starfa í dag
„Óviðunandi eftirlit með börnum“
Barn lést í árásinni
Ný ríkisstjórn kynnt á morgun
Víkingar komnir yfir 800 milljónir í greiðslur
