Farþegum tilkynnt að vélin væri að hrapa

Skelfingu lostnir farþegar í flugvél, sem var á leið frá Lundúnum til Hong Kong, bjuggu sig undir brotlendingu eftir að flugstjóri vélarinnar tilkynnti í hátalarakerfið að neyðarástand ríkti um borð og vélin væri um það bil að lenda á sjónum.

Að sögn breska blaðsins Sun í dag heyrðu 275 farþegar í Boeing 747 flugvél British Airways eftirfarandi tilkynningu. „Það er neyðarástand. Við kunnum innan skamms að þurfa að nauðlenda á sjó." 

Flugvélin var yfir Norðursjónum og farþegar byrjuðu að búa sig undir það versta þar til flugfreyjur komu hlaupandi eftir flugvélarganginum og hrópuðu að tilkynningin hefði verið lesin fyrir mistök.  

British Airways sagði, að um væri að ræða sjálfvirka tilkynningu á segulbandi, sem tölva hefði sett af stað.  

• 2 blogg um fréttina

Bloggað um fréttina

• Davíð Oddsson: Æ, æ
• Haraldur Haraldsson: Farþegum tilkynnt að vélin væri að hrapa/svona gera flugfélög ekki,þetta …