Ný könnun: Sarkozy með meira fylgi en Royal

Nicolas Sarkozy myndi fá 54% í síðari umferð frönsku forsetakosninganna en Ségolène Royal 46% ef kosið væri nú, samkvæmt skoðanakönnun, sem IPSOS stofnunin gerði í kvöld strax eftir að fyrstu kosningaspár eftir fyrri umferð kosninganna í dag birtust. Síðari umferðin fer fram 6. maí.

Um var að ræða símakosningu og var hringt í rúmlega 1000 manns eftir að ljóst varð, að kosið verður milli þeirra Sarkozy og Royal í síðari umferð. IPSOS sagði, að 88% þeirra sem svöruðu í könnuninni í kvöld hefðu sagst vera ákveðin í afstöðu sinni.

Þegar búið var að telja 30 milljónir atkvæða, eða rúmlega 75%, hafði Sarkozy fengið 30%, Royal 25%, miðjumaðurinn Francois Bayrou hafði fengið 18% og hægriöfgamaðurinn Jean-Marie Le Pen 11% sem er það minnsta, sem hann hefur fengið í forsetakosningum.

• 1 blogg um fréttina

Bloggað um fréttina

• Stefán Friðrik Stefánsson: Nicolas Sarkozy á sigurbraut í Frakklandi