Engin hætta reyndist á ferðum í Kaupmannahöfn

Hætt var við að rýma hús við Nattergalevej í Kaupmannahöfn í dag eftir að í ljós kom, að efni, sem fannst í stigagangi og óttast var að væri sprengiefni, reyndist vera venjulegur stíflueyðir.

Svæðinu umhverfis húsin hafði verið lokað en lögregla aflétti viðbúnaðarástandi þegar í ljós kom hvers kyns efnið var.

„Við tökum enga áhættu en í þetta skipti var ekki ástæða til ótta," hefur Berlingske Tidende eftir talsmanni lögreglunnar. Hann sagði, að hugsanlega hefði verið um prakkarastrik ungmenna að ræða.

• 1 blogg um fréttina

Bloggað um fréttina

• Ólafur Þórðarson: Stíflueyðir veldur forgangstregðu.