Betancourt skildi eiginmanninn eftir

Það vakti athygli hversu kuldalega Betancourt heilsaði manni sínum er hún losnaði úr haldi FARC samtakanna í Kólumbíu eftir sex ára gíslingu. Tveimur dögum síðar hélt hún síðan til Frakklands ásamt börnum sínum af fyrra hjónabandi en án Lacomte.

Lacompte segir í viðtali við blaðið El Tiempo sem gefið er út í Bogota, að hugsanlegt sé að ást Betancpurt á honum hafi fjarað út á meðan hún var í gíslingu í frumskógum Kólumbíu. Hann neitar hins vegar alfarið sögusögnum um að hann hafi stofnað til ástarsambands við aðra konu á meðan Betancourt var í haldi FARC.Lecompte og Betancourt gengu í hjónaband árið 1997 og hefur hann barist ötullega fyrir frelsun hennar. Betancourt á tvö börn með fyrri eiginmanni sínum, sem er franskur, og hafa þau búið hjá föður sínum á Nýja Sjálandi frá því hún hóf afskipti af stjórnmálum í Kólumbíu.