Guantanamo-fangi neitar sök

Réttarhöld eru hafin í máli fyrsta fangans sem er fluttur úr fangabúðum Bandaríkjahers við Guantanamo-flóa á Kúbu og til Bandríkjanna. Hann er sakaður um að hafa átt þátt í tveimur sprengjuárásum á sendiráð í Austur-Afríku árið 1998. Hann neitaði sök í réttarsalnum í dag.

Ahmed Ghailani mætti fyrir ríkisdómstólinn í New York, en hann var fluttur til Bandaríkjanna fyrr í dag. 

Ghailani, sem er frá Tansaníu, var handtekinn í Pakistan árið 2004 og fluttur til Kúbu síðla árs 2006. 

Réttarhöldin eru sögð reyna á loforð ríkisstjórnar Barack Obama Bandaríkjaforseta, um að loka Guantanamo-fangabúðunum fyrir janúarlok á næsta ári.

Ahmed Khalfan Ghailani er sakaður um aðilda að sprengjuárásum á sendiráð í A-Afríku. Reuters

• 1 blogg um fréttina

Bloggað um fréttina

• Gunnar Gunnarsson: Fangi fær að tjá sig