Bróðir Osborne falsaði lyfseðil

Breskur læknir hefur verið fundinn sekur um að falsa lyfseðil í þeim tilgangi að útvega vinkonu sinni verkjalyf, en hún er fíkniefnaneytandi. Læknirinn heitir Adam Osborne og er bróðir George Osborne sem er talsmaður Íhaldsflokksins í ríkisfjármálum.

George Osborne verður væntanlega fjármálaráðherra Bretlands sigri Íhaldsflokkurinn í næstu kosningum. Hann er læknir líkt og Adam, bróðir hans.

Adam Osborne viðurkenndi að hafa gefið konunni lyfin, en neitar því að hafa brotið reglur. Hann sagðist hafa hitt konuna á bílastæði og í framhaldi af því farið á sjúkrahús í þeim tilgangi að útvega henni lyf. Konan hefði þjáðst af ofskynjunum eftir að hafa neytt kókaíns. Um hefði verið að ræða bráðatilvik.

Sjúkrahúsið neitaði að afhenda Osborne lyfin, en hann fór þá í lyfjaverslun og skrifaði þá annan lyfseðil þar sem ekki kom fram rétt nafn sjúklingsins.

• 1 blogg um fréttina

Bloggað um fréttina

• Ingvar Valgeirsson: Þetta var sko aldeilis ekki...