Óttast er að 65 manns séu látnir á Madagaskar í Indlandshafi eftir að fellibylurinn Írína gekk þar yfir í síðustu viku. Flestir hinna látnu voru íbúar suðausturhluta eyjunnar.
Vindhraðinn mældist allt að 54m/sekúndu og rifnuðu tré upp með rótum í veðurofsanum. Um helgina var tilkynnt um að fellibylurinn hafi náð til suðurhluta Afríku með tilheyrandi rigningu og vindhviðum.
Engar fregnir hafa borist um mannfall eða tjón af völdum fellibylsins í Afríku.