Óeirðir í suðurhluta Líbíu

Að minnsta kosti 30 hafa látist og meira en 100 særst í átökum á milli ættbálka í suðurhluta Líbíu sem staðið hafa yfir undanfarna tvo daga. Stjórnvöldum hefur ekki tekist að koma böndum á ástandið, en þau eru sökuð um að veita aðstoð í átökunum.

Átökin hafa verið í borginni Sabha og hafa átökin verið á milli meðlima Toubou-ættbálksins og annarra ættbálka.

Aðilar munu vera nokkuð vel vopnum búnir, en Toubou-ættbálkurinn sakar stjórnvöld um að veita andstæðingum sínum aðstoð með hergögnum. Aðrir segja að ættbálkarnir fái aðstoð frá útlögum, sem flúið hafa land og sjái sér hag í því að efna til óeirða.

• 1 blogg um fréttina

Bloggað um fréttina

• el-Toro: ótrúlegur fréttaflutningur...