Sænskur fjöldamorðingi látinn laus

Sænski fjöldamorðinginn Mattias Flink verður látinn laus úr fangelsi í dag, nákvæmlega 20 árum eftir að hann var dæmdur fyrir morð á sjö manneskjum.

Flink var dæmdur í lífstíðarfangelsi fyrir morðin sjö og þrjár morðtilraunir í Falun í júní 1994. Hann var 24 ára þegar hann skaut sjö manns til bana og særði þrjá í Falun, en hann gegndi herþjónustu þar á þeim tíma. Skömmu áður hafði hann rifist við unnustu sína, en hann var dauðadrukkinn þegar hann skaut rúmlega 50 skotum úr AK5-herriffli sínum. Fórnarlömbin, fimm konur og tveir karlar á aldrinum 20–35 ára, voru skotin af handahófi í almenningsgarði í miðbænum þegar æði rann á Flink. 

Lífstíðarfangelsi telst 30 ár í Svíþjóð og í síðustu viku þegar hann hafði afplánað tvo þriðju hluta dómsins var ákveðið að láta Flink lausan. Samkvæmt frétt

<a href="http://www.svd.se/nyheter/inrikes/i-dag-blir-mattias-flink-fri_3647068.svd" target="_blank">SvD </a>

er talið að helsta hættan af Flink stafi af því ef hann neyti áfengis. Hann hefur sjálfur sagt að hann muni aldrei framar láta áfengi inn fyrir sínar varir.