Bandaríska flugmálastofnunin FAA ákvað í kvöld að banna öllum bandarískum flugvélum að fljúga til Ísraels næsta sólarhringinn. Ástæðan er sú að sprengja sprakk örfáum kílómetrum frá Ben-Gurion-alþjóðaflugvellinum nálægt Tel Aviv.

Öll þrjú flugfélögin sem voru með áætlaðar flugferðir til landsins hafa nú aflýst þeim, þar á meðal US Airways og United Airlines. Mikill ferðamannastraumur liggur til Ísraels á þessum árstíma og mun þetta eflaust hafa áhrif á það. Þótt ákvörðun flugmálastofnunarinnar hafi aðeins tekið til bandarískra loftfara ákváðu evrópsk flugfélög að fara að fordæmi þeirra og hættu einnig við nokkrar ferðir til Ísraels, meðal annars Air France, Lufthansa og KLM.

Þá er einnig talið að árásin á flugvél Malaysia Airlines, sem flaug yfir átakasvæði í Úkraínu, spili inn í ákvörðun flugmálastofnunarinnar.

Tengdar fréttir

Ísrael/Palestína

281 hjálparstarfsmaður drepinn á árinu

• Segjast hafa drepið fimm vígamenn
• Sakar dómstólinn um gyðingahatur
• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon

» Fleiri tengdar fréttir

• 1 blogg um fréttina

Bloggað um fréttina

• Haraldur Haraldsson: Banna flug til Ísrael//Þetta er svo, að allir eiga á …