Hollenskir og ástralskir lögreglumenn fara í dag að staðnum þar sem brak flugvélarinnar MH17 er að finna. Ætla þeir að gera tilraun til að rannsaka svæðið. Átök hafa verið á svæðinu milli aðskilnaðarsinna og úkraínskra hermanna.
Í gær var greint frá því að hollenskir sérfræðingar hefðu hætt við frekari rannsóknir á svæðinu. „Á meðan átökin geisa getum við ekki tekið þessa áhættu. Öryggisráðstafanir á svæðinu eru algjörlega óviðunandi,“ sagði Alexander Hug hjá Öryggis- og samvinnustofnun Evrópu.