Björgunaraðgerðum í Hírósíma hefur verið skotið á frest vegna ótta um öryggi björgunarfólks. Enn er yfir fimmtíu saknað eftir aurskriður þar á miðvikudag. Staðfest er að 39 eru látnir í þessum náttúruhamförum í vesturhluta Japans.
Að sögn lögreglu er óttast að frekari aurskriður geti farið af stað. Tugir húsa eyðilögðust í úthverfi Hírósíma aðfararnótt miðvikudags þegar fleiri fleiri tonn af leðju, grjóti og rusli skullu á íbúðabyggð.
Yfir fjögur þúsund manns hafa þurft að yfirgefa heimili sín en veðurspá gerir ráð fyrir áframhaldandi rigningu á þessum slóðum.