Talið er að Yöru, átta ára stúlku sem lést í Karlskrona í Svíþjóð í vor, hafi verið ráðinn bani með kökukefli.

Þetta kemur fram í bráðabirgðaniðurstöðum lögreglu vegna rannsóknar málsins. „Mér líður eins og ég hafi fengið hjartaáfall,“ segir faðir stúlkunnar í samtali við Aftonbladet.

Tilkynning barst til lögreglu klukkan hálf 10 kvöldið sem Yara lést. Lögregla og sjúkralið komu fljótleg á vettvang, en Yara bjó í íbúð í fjölbýlishúsi ásamt ættingjum sínum. Þegar þangað var komið var stúlkan látin. Miklir áverkar voru á líki stúlkunnar.

Frændi Yöru og kona hans sitja enn í gæsluvarðhaldi, grunuð um morð.

Í skýrslunni kemur fram að litla stúlkan hafi mátt sæta harkalegu ofbeldi. Flestir áverkana hlaut hún sama dag og hún lést en einnig voru eldri áverkar á líkinu. Kökukeflið, sem talið er að hafi verið notað til að veita Yöru áverkana, fannst í íbúðinni.

Tengdar fréttir

Átta ára stúlka finnst látin í Svíþjóð

Lögregla skaut átta ára stúlku til bana

• Lífstíðardómur fyrir morðið á Yöru
• Fái bæði lífstíðardóm fyrir morðið
• Vilja hefna vegna dauða Yöru
• „En svo byrjaði hún að öskra“

» Fleiri tengdar fréttir

• Blogga um frétt