Yfirvöld í Virginíu hafa staðfest að líkamsleifar sem fundust nýlega séu af Hannah Graham, stúlku sem hvarf frá háskólanum í Virginíu 13. september. Hún var átján ára og á fyrsta ári í skólanum.
Líkið fannst 18. október sl. en ekki hafði verið staðfest að það væri af Hannah fyrr en í dag.
Þúsundir sjálfboðaliða tóku þátt í leitinni að stúlkunni. Í yfirlýsingu þökkuðu foreldrar Hönnu yfirvöldum og öllum þeim sem tóku þátt í leitinni að dóttur þeirra. „Þrátt fyrir að hafa misst okkar dýrmætu Hönnu, þá mun ljósið sem hún bar aldrei vera slökkt.“
Einn hefur verið handtekinn vegna málsins. Sá er 32 ára karlmaður að nafni Jesse Matthew og hefur hann verið ákærður fyrir mannrán. Myndir úr öryggismyndavélum sýndi hann ásamt Hönnu kvöldið sem hún hvarf.
Lögreglan í Virginíu telur að maðurinn, sem heitir Jesse Leroy Matthew, tengist einnig morði á Morgan Harrington. Morgan var tvítug er hún var myrt árið 2009.