Hæstiréttur Ítalíu hefur sýknað ítölsku fatahönnuðina Domenico Dolce og Stefano Gabbana af ákæru um skattsvik. Þeir höfðu ávallt neitað sök.
Tveir dómstólar á neðra dómstigi höfðu fundið hönnuðina, sem reka tískuhúsið Dolce & Gabbana, seka um athæfið, en þeir voru ákærðir fyrir að hafa gefa upp til skatts tekjur sem námu milljónum evra, en tekjurnar komu í gegnum dótturfélag þeirra í Lúxemborg.
Í apríl sl. voru þeir dæmdir í 20 mánaða skilorðsbundið fangelsi.
Neðri dómstóll sakfelldi þá í júní 2013 fyrir að skila ekki inn skattskýrslu vegna dótturfélagsins Gado í Lúxemborg, en saksóknarar héldu því fram að hönnuðurnir hafi ætlað sé að komast hjá því að greiða skatta á Ítalíu.
Málinu er hins vegar lokið þar sem dómur hæstaréttar er endanlegur, að því er segir á vef breska ríkisútvarpsins.