Petro Poroshenko, forseti Úkraínu, fór í óvænta heimsókn til austurhéraða landsins í morgun, en þar hefur verið styrjaldarástand síðustu mánuði. Í dag fara fram þingkosningar í landinu.
„Ég er kominn til Donbass,“ skrifaði Poroshenko á Twitter í morgun.
Á stórum svæðum í austurhluta landsins eru kjörstaðir ekki opnir vegna aðgerða aðskilnaðarsinna. Í héruðunum Donetsk og Luhansk eru langflestir kjörstaðir lokaðir og í Donetsk-borg er enginn kjörstaður opinn. Um fimm milljón manns eru á kjörskrá í þessum tveimur héruðum, eða um 14% þjóðarinnar.