Erlent | mbl | 21.12.2014 | 22:50

Jörðin séð úr geimnum (myndir)

Mynd 1 af 15 Svona lítur Ítalía út að næturlagi. Sikiley er fremst á myndinni. Myndin var tekin um miðjan desember. AFP

Mynd 2 af 15 Geimfarinn Barry Wilmore tók þessa mynd í alþjóðlegu geimstöðinni 10. desember. Ljósadýrð að næturlagi. AFP

Mynd 3 af 15 Litríkt plöntusvif undan ströndum Argentínu. AFP

Mynd 4 af 15 Vesturströnd Bandaríkjanna 12. desember. Vonskuveður varð til þess að margir íbúar, m.a. í San Fransisco, voru án rafmagns. AFP

Mynd 5 af 15 Fellibylurinn Hagupit skellur á Filippseyjum 7. desember. AFP

Mynd 6 af 15 Jöklar og landslag á Grænlandi. AFP

Mynd 7 af 15 Flugvél frá NASA flýgur yfir Suðurskautslandið í lok október. Ísinn á svæðinu sem er á myndinni bráðnar hraðar en á nokkru öðru svæði á Suðurskautslandi. AFP

Mynd 8 af 15 Ellesmere-eyja í Kanada. Þar hefur verið byggð frá því um 2000 fyrir Krist. Nú búa innan við 200 manns á eyjunni. AFP

Mynd 9 af 15 Vötnin miklu í Bandaríkjunum. Margir bæir í New York-ríki grófust í snjó í nóvember. AFP

Mynd 10 af 15 Vetrarveður yfir Bandaríkjunum og Kanada í nóvember. AFP

Mynd 11 af 15 Geimfarinn Reid Wiseman tók þessa mynd af Yellowstone-þjóðgarðinum í Bandaríkjunum í nóvember. AFP

Mynd 12 af 15 Geimfarinn Reid Wiseman tísti þessari mynd af eftirlætis sjónarhorni sínu af jörðinni. Hann var þá í alþjóðlegu geimstöðinni. AFP

Mynd 13 af 15 Vesturhvel jarðar í október. Suður- og Norður-Ameríka. AFP

Mynd 14 af 15 Geimfarar í Alþjóðlegu geimstöðunni tóku þessa mynd af Flórída í Bandaríkjunum. Sjá má hvernig búsetan er þéttust meðfram ströndinni. AFP

Mynd 15 af 15 Holuhraun utan úr geimnum 10. september, nokkrum dögum eftir að gosið hófst. AFP

Bláa perlan, jörðin okkar, er einstaklega falleg, séð utan úr geimnum. Gervitungl og geimfarar mynda árlega þessa fallegu plánetu og vekja myndirnar oft hugsanir um hversu lítil við erum í raun og veru í hinu stóra samhengi.

Geimfarar alþjóðlegu geimstöðvarinnar voru t.d. í ár duglegir að taka myndir af sínum eftirlætis sjónarhornum af jörðinni.

Meðal mynda sem borist hafa frá NASA, bandarísku geimferðastofnuninni, á þessu ári er mynd af Holuhrauni. Þá er önnur sem sýnir ísbreiðuna á Grænlandi og enn önnur sem sýnir hvernig Flórída og Miðjarðarhafið líta út að næturlagi.

Einstakt sjónarhorn á einstakan heim.

Á myndskeiði NASA hér að neðan má sjá hvernig birtir yfir vesturheimi í jólamánuðinum.