Ástralska blaðamanninum Peter Greste var í dag sleppt úr haldi eftir meira en fjögur hundruð daga í egypsku fangelsi. Greste var dæmdur í sjö ára fangelsi fyrir að hafa stutt við Bræðralag múslíma, stjórnmálaflokk sem nú er skilgreindur sem hryðjuverkasamtök, í Egyptalandi.

Þrír blaðamenn voru upphaflega handteknir og dæmdir en ekki hefur fengist staðfest hvort hinum tveimur, Mohammed Fahmy og Baher Mohamed, verður einnig sleppt. Egypsk yfirvöld sögðu mennina hafa notað fjölmiðil sinn, Al-Jazeera, til að aðstoða Bræðralag múslíma.

Þeir Greste og Fahmy voru handteknir á hótelherbergi í Kaíró 29. desember 2013 eftir að húsleit var gerð í húsakynnum Al-Jazeera.

Greste starfaði áður hjá BBC og fékk meðal annars Peabody-verðlaunin árið 2011 fyrir heimildarmynd um Sómalíu.

Tengdar fréttir

Egyptaland

Áratugur valdarána í Afríku

• Fékk 5 ára dóm en sat inni í tæp sex
• 40 drepnir eftir sprengjuárás
• 75 dæmdir til dauða í Egyptalandi
• 15 teknir af lífi í Egyptalandi

» Fleiri tengdar fréttir

• Blogga um frétt