Rússneski stjórnmálamaðurinn Boris Nemtsov hefur verið skotinn til bana í Moskvu. Þessu greinir fréttastofa BBC frá.

Nemtsov er sagður hafa verið skotinn fjórum sinnum þar sem hann var á gangi nálægt Kreml og Rauða Torginu.

Nokkrir menn munu hafa stigið út úr bíl og skotið Nemtsov. Samstarfsmaður Nemtsov mun hafa staðfest að hann sé látinn en mikið af lögreglumönnum er á Zamoskvoretskiy brúnni þar sem sagt er að Nemtsov hafi verið skotinn.

Nemtsov var aðstoðar-forsætisráðherra Rússlands þegar Boris Yeltsín var forseti landsins. Þegar Pútin tók við völdum gerðist Nemtsov leiðtogi stjórnarandstöðunnar og harður gagnrýnismaður forsetans. Sætti hann meðal annars fangelsi fyrir að taka þátt í mótmælum árið 2011 þar sem aukins skoðanafrelsis var krafist.

Kirkja heilags Basils er drungalegur bakgrunnur þar sem lík Nemtsov liggur, vafið í plast. AFP

Boris Nemtsov ræðir við fréttamenn á mótmælum árið 2012. AFP

Tengdar fréttir

Boris Nemtsov myrtur

20 ára fangelsisdómur fyrir morð

• Sakfelldir fyrir morðið á Nemtsov
• Reyna að komast að niðurstöðu í máli Nemtsov
• Þúsundir minntust Nemtsov
• Réttað yfir meintum morðingjum Nemtsov

» Fleiri tengdar fréttir

• 4 blogg um fréttina

Bloggað um fréttina

• Ómar Ragnarsson: Fór sömu leið og Anna Politkovskaya og fleiri.
• Wilhelm Emilsson: Dauðinn í Kreml
• G. Tómas Gunnarsson: Þar sem vandamálin hverfa
• Kristin stjórnmálasamtök: Umbótamaður drepinn á grófan og ógnvekjandi hátt nálægt Rauða torginu …