Lambið líkist gömlum manni

Það eru ekki aðeins Íslendingar sem hafa gaman af aprílgöbbum, siðurinn hefur náð að skjóta rótum víða um heim. Margir fjölmiðlar og fyrirtæki brugðu á leik og reyndu að gabba lesendur og viðskiptavini.  

Telegraph greindi frá því í dag að lamb sem kom í heiminn í Chirka í Rússlandi líktist á vissan hátt frekar manni en dýri. Haft var eftir eiganda dýrsins að hann hafi verið afar ánægður þegar í ljós kom að móðir lambsins átti von á sér eftir harðan vetur. Þegar hann fór að líta til með móðurinni brá honum aftur á móti verulega en þá mætti andlit sem líktist loðnum, fúlum eldri manni. 

Google tilkynnti að nú væri hægt að spila Pac Man í Google Maps, Samsung greindi frá nýjum snjallhníf sem hefur sömu eiginleika og sími og Economist sagði frá því að forseti Úkraínu, Petro Poroshenko, hefði skorað á Vladimir Pútín, forseta Rússlands, í glímu.

Honda auglýsti nýja gerð af HR-V, sjálfu-bíl sem auðveldar ökumönnum að taka sjálfur á meðan á akstri stendur og Sun sagði að nú hefði loksins verið ákveðið Simon Cowell fengi að prýða peningaseðil. 

<blockquote class="twitter-tweet">

EXCLUSIVE: Simon Cowell’s face to appear on £5 notes... <a href="http://t.co/x18ZlDZdyJ">http://t.co/x18ZlDZdyJ</a> <a href="http://t.co/7i2S4nplVH">pic.twitter.com/7i2S4nplVH</a>

— The Sun (@TheSunNewspaper) <a href="https://twitter.com/TheSunNewspaper/status/583159862772805632">April 1, 2015</a></blockquote><script async="" charset="utf-8" src="//platform.twitter.com/widgets.js"></script><div id="embedded-remove"> </div>

Telegraph greindi frá því að til stæði að breyta Skakka turninum í hótel og Burger King í Japan auglýsti sérstakt ilmvatn sem fær þann sem notar það til að lykta eins og grillaður hamborgari.

<blockquote class="twitter-tweet">

Taking the Pisa? Leaning Tower to become luxury hotel... <a href="https://twitter.com/urban_achiever">@urban_achiever</a> reports <a href="http://t.co/2wq1CZ7nG1">http://t.co/2wq1CZ7nG1</a> <a href="http://t.co/Y8lox6Ieej">pic.twitter.com/Y8lox6Ieej</a>

— The Hotelegraph (@TheHotelegraph) <a href="https://twitter.com/TheHotelegraph/status/583173166811508736">April 1, 2015</a></blockquote><script async="" charset="utf-8" src="//platform.twitter.com/widgets.js"></script><div id="embedded-remove"> </div>

Þá sagðist Jeremy Clarkson ætla að einbeita sér að umhverfismálum eftir að hafa verið sagt upp störfum hjá BBC.