Réðust inn í flóttamannabúðir
Setja bókamerki
Vígamenn Ríkis íslams hafa ruðst inn í flóttamannabúðir Palestínumanna í Yarmouk í Damaskus, höfuðborg Sýrlands. Átök hafa brotist út milli vígamannanna og hópa innan búðanna. Palestínsk yfirvöld segja, samkvæmt frétt BBC, að Ríki íslams hafi náð yfirráðum yfir stóru svæði í búðunum. AFP-fréttastofan hefur eftir samtökum, sem reka búðirnar, að vígamennirnir hafi nú stærstan hluta þeirra á sínu valdi.
Um 18 þúsund Palestínumenn hafa aðsetur í flóttamannabúðunum. Fyrir stríðið í Sýrlandi voru þar 150 þúsund flóttamenn. Í búðunum eru skólar, moskur og aðrar byggingar.
Sjá frétt mbl.is: Hafsjór af hungruðu fólki
Vígamenn Ríkis íslams hafa á undanförnum mánuðum sölsað undir sig stór svæði í austurhluta Sýrlands sem og í norður- og vesturhluta Íraks.
Flóttamannabúðirnar í Damaskus voru reistar árið 1948 er stríð geisaði milli Araba og Ísraela.
Sárt að horfa upp á illa meðferð fjármuna
Ný staða uppi og óvissan meiri
Bjarkey stendur við skammarbréf Svandísar
Kveðst tala af virðingu: „Ég er enginn dóni“
Gerir ráð fyrir 150 samningum í næstu viku
Hyggjast leyfa fólki að skoða gosið
29 nautgripir fundust dauðir