Maður lést og kona hefur verið flutt á sjúkrahús eftir skotárás nálægt Wood Green lestarstöðinni í Norður-Lundúnum. Samkvæmt frétt The London Evening Standard var lögregla kölluð til rétt fyrir klukkan sex í kvöld.
Fyrst greindi talsmaður lögreglu frá því að sjúkraliðar væru að hjúkra tveimur fórnarlömbum á staðnum. Síðar staðfesti lögregla að annað fórnarlambanna hefði látið lífið.
Samkvæmt frétt Sky News var fólkið skotið úti á götu. Maðurinn lést um klukkan 19 að staðartíma, fyrir rúmri klukkustund.
Samkvæmt upplýsingum frá lögreglu hefur enginn verið handtekinn í tengslum við málið.
#London: Man killed and woman taken to hospital after incident on #LordshipLane #WoodGreen #UK (PICTURE) pic.twitter.com/6pbFt3Dxs1
— Geoffrey Hulsens (@GHulsens) July 10, 2015