Jeremy Corbyn nýtur stuðnings meirihluta kjósenda í leiðtogakjöri Verkamannaflokksins í Bretlandi, samkvæmt nýrri skoðanakönnun YouGov. Hann mælist með 53% fylgi en þar á eftir kemur Andy Burnham með 21% fylgi.
Stuðningur við Corbyn hefur aukist á undanförnum vikum á sama tíma og dregið hefur úr fylgi við Burnham.
Í könnuninni voru 1.411 manns með kosningarétt í leiðtogakjörinu spurðir hver þeir vildu sjá sem næsta leiðtoga flokksins. Kosningin hefst á föstudaginn en úrslit munu ekki liggja fyrir fyrr en í september.
Eins og kunnugt er sagði Ed Miliband af sér sem leiðtogi Verkamannaflokksins eftir mikinn ósigur í bresku þingkosningunum í maímánuði.
Margir hafa gagnrýnt Corbyn fyrir að vera of langt til vinstri til að geta komið flokknum aftur í ríkisstjórn. Hann hefur meðal annars lýst aðdáun sinni á hugmyndafræðingnum Karl Marx sem hann segir Breta geta lært margt af.
„Hann er mjög áhugaverð persóna sem við getum lært mjög margt af. Hann var með frábærar samfélagsgreiningar. Hugsjónin sem hann hefur skapað er ótrúlega áhugaverð,“ sagði Corbyn.
Setja bókamerki
Spursmál: Fyrsta stóra viðtal Katrínar
Gefur ekkert upp um leyfi til hvalveiða
Að minnsta kosti vika í nýtt gos
Gerir ráð fyrir 150 samningum í næstu viku
Almannavarnir auka viðbúnað
Aðkoman í gripahúsið mjög slæm
Mun fara sparlega með málskotsréttinn