Vill að Bush tali ensku
Setja bókamerki
„Mér líka vel við Jeb. Hann er góður maður. En hann ætti að vera til fyrirmyndar og taka ensku þegar hann er í Bandaríkjunum,“ sagði forsetaframbjóðandinn og auðkýfingurinn Donald Trump við fjölmiðla þar sem hann gagnrýndi mótframbjóðanda sinn í forvali repúblikana Jeb Bush fyrir að tala spænsku við ákveðin tilefni.
Fram kemur í frétt AFP að skeytasendingarnar á milli Trump og Bush hafi færst mjög í aukana að undanförnu en þeir mælast með mest fylgi í kosningabaráttunni samkvæmt skoðanakönnunum. Trump hefur þó haft afgerandi forystu til þessa síðan hann tilkynnti formlega um framboð sitt í júní.
Bush bjó um tíma í Mexíkó og Venesúela sem ungur maður, eiginkona hans fæddist í Mexíkó og hann talar reiprennandi spænsku. Bush hefur fyrir vikið nokkrum sinnum notast við spænsku í kosningabaráttunni. Einkum þegar hann hefur heimsótt svæði þar sem mikið er af spænskumælandi fólki.
Nauðgaði kærustu sinni og tók það upp
Sárt að horfa upp á illa meðferð fjármuna
Hæstiréttur staðfestir vanhæfi alls Landsréttar
Hafa „ágætis tíma“ til úrbóta
Spursmál: Fyrsta stóra viðtal Katrínar
Hyggjast leyfa fólki að skoða gosið
Færa slökkviliðið til nútímans